Terzo Scudetto    

Mettimmo ‘mpietto ‘o Triculore,                                     

chist’ è ‘o terzo, doppo  chille ‘e Maradona.                                                         

Ce so’ vvulute  trentatrè anne                                                                                                             

comm’ a chille ‘e Cristo                                                                                                               

finalmente “conquistato” e mmo’                                                                                                                 

ce tenimmo stritto chisto.                                                                                                                      

Facimmo festa pe’ ttramente                                                                                                                 

e nun ce ‘mporta niente                                                                                                                              

d’ ‘a ròseca d’’a ggente.                                                                                                                         

‘A Storia ‘e sta Città,                                                                                                                                         

già è stata scritta                                                                                               

è pure sustanziosa.

Invasioni, Epidemie, Guerre                                                            

Liberazione, la Costituzione.

Mo, chesta , è ‘a Storia d’’o Pallone                                                                  

ca ritorna e cuntinuarrà.

Senza fa nomme, cu chisti jucature                                                                      

o altro che verrà.                                                                                                                

Chesta è ‘a Speranza nosta                                                                        

Ca nun ce lassarrà.