Na jurnata ‘e nuvembre

Cu ‘sta pioggia nuvembrina

‘a stagione se n’è gghiuta

e i’me sceto ogni matina

tutto straquo e ‘ nzallanuto.

Né p’’e strate, né ‘ ncampagna,

cchiù ‘nse vede ‘a rundinella,

e ‘ stu tiempo nun è bello

comme a quanno ccà venette

pe’ ffà’ ‘o nivo sott’ ‘e titte

e ll’ammore cu ‘o cumpagno.

C’era allora n’aria fina

d’ ‘a matina fin’ a sera

e i’ sentevo ‘a primmavera

ca traseva dint’ e vvene.

Mo ‘stu tiempo s’è cagnato,

stà chiuvenno ‘ a stammatina,

n’acquarella fina fina.

Miez’juorno è già sunato

e i’ nun veco ll’ora ‘ e ascì

e si pure ‘o sole torna,

c’è ‘nu lago pe’ ccà attuorno,

e a ffà spesa nun pozz’ j’.

Verzo ll’una finalmente

cchiù nun chiove,ma i’ nun sento

‘e ll’aucielle doce ‘o canto

e sò triste,sò scuntento

pecchè ‘o sole cchiù nun brilla

e ‘un se sentono ‘e cantà

nè cicale,né cchiù arille.

Quanno chiove,o vott’ ‘o viento,

se po’ sul’ausilia’

‘e nu cane nu lamiento,

ca n’amico va cercanno

o quaccosa pè magnà.

Mo sultanto ‘amma aspettà

ca ritorna ‘a rundinella

pe’  passia’ pe’ sta città

e ffà ammore sott’e e stelle.