‘ A castagnara

Sempe assettata a nu puntone ‘ e strata

ncopp’a na seggia ch’è meza spagliata;

s’appoia a ‘ o muro comm’ a na spallera;

“Castagne……” allucca, specie quanno è sera…

‘E lato tene miso ‘ o bancarielloe

 e  int’ a na sporta tanta cuppetielle;

annante è sistemata ‘a furnacella,

chiena ‘ e castagne e nnera   ‘e gravunella.

N’atu sacco ‘ e castagne crude  nterra

e cu ‘ o ventaglio c’ogne tanto afferra

scioscia dint’’ o spurtiello e ‘ o fuoco abbaglia

mentre ‘ e faielle ‘ o viento lle sparpaglia.

“So’ cavere ‘ e castagne,meh….accattate,

scarfatavelle ‘ e mmane, a cchi aspettate…..”

‘A gente tene-mente nfrudduluta

sta castagnara cu sta voce acuta.

Quaccuno dice cu nu pizz’a riso:

“A  No’ , comme alluccate, v’aggio ntiso!

Iammo, dduie cuppetielle, ampressa ampressa,

ll’aggi’ ‘ a purtà a ‘e criature , vaco ‘ e pressa.”

Fa notte  a poco a poco e ‘a vicchiarella,

cu chillu freddo e ‘ e rrappe int’a faccella

dà ancora ‘ a voce, ma nisciuno ‘ a sente,

mo ca s’è ritirata tutt’ ‘a gente.

S’astregne mpietto ‘ a blusa cu’ o scialletto,

se conta ‘ e sorde e ‘e nfila int’ ‘a  cazetta.

Nu cane se mbruscina  e mmove ‘ a cora,

pare c’ ‘ a dice: “Va’, s’ hè fatta ll’ora!”