Chi song’ I’?

Buongiorno!

Buonasera!

Songo ‘e pparole ‘e na perzona amica

‘e pparole d’aiere ‘e ogge ‘e sempe.

Puri’ ve voglio di’ ‘ncoppa a sta carta.

pur’i’ ca mo me perdo ‘mmiez’ a tante,

tante ca primma ‘e me so’ già venute ,

tante ca comm’ a me so’ scanusciute.

Buongiorno!

Buonasera!

Neh, ma chisto chi è?

Che va truvanno ‘a nuie?

Chi songh’ i’?

Nun so’ nisciuno e niente v’addimmanno.

I’ tengo sulamente sti penziere

addo tre nomme sulo so’ ‘e patrune:

chillo ‘e mammema, ’e Napule e  ‘ell’ammore.

Buongiorno!

Buonasera!