Cumpagne e scola

… e parevemo palomme

quanno ascevemo d’ ‘a scola,

sempe allere , ammuinate,

finalmente ‘a libertà…

Che resate, c’alleria

ca spannevamo p’ ‘e scale

senza ll’ombra ‘e gelusia,

nuie sapevamo ‘e campà!

Figliulelle eramo allora

dinto a ‘o core ‘o primm’ammore

ca ‘e matina ‘int ‘a primm’ora,

nuie speravamo ‘e ncuntrà.

Oi vint’anne, mo addò state?

E’ passato ambressa ‘o tiempo!

Torna ogni anno vierno o estate,

ma nun torna ‘a giuventù.