Cunsiglio

’E ccose grosse làssale fa’ a all’ ate,

cerca ’e fa’ buono ’e ccose piccerelle;

’e ccose grosse ’e ffanno ’e scienziate,

a nuje ce tocca ’a fa’ ’e “ccusarelle”:

a vule’ bene a chi nun ce vo’ bene,

a suppurtà pure chi è scustumato,

 a da’ na mana pure a chi nun tene

’a capa bona oppure è scumbinato;

a tratta’ tutte comm’ a frate e sora,

senza penza’ nè comme nè pecché,

gente paisana oppure gente ’e fòra,

comme vulisse ca trattasse a te.

ll’ egoismo ’a dint’ ’o core,

si è nicessario, po’, càgnete ’o nomme,

chiàmmate “ frate” oppure sulo “ammore”

e, allora, vide, c’ addeviente n’ommo.